“We don’t need sectarian zealots here. But we yearn for visionaries who appreciate social solidarity beyond one’s local church, a community of interest based on shared language, history and culture.” Dr. David Zou.
I scholarpu uh thugen dih kasa a, amabang thusungkul mute’n thu hing gentam uleh deihuoi mama. Thuhoi leh thudih theite mawh tou maimai ding hilou hi. Kikoi kaang meilou a thudih ithei te uh humpi(lion) hawh vapom banga hangsantah a igen uh poimaw tazen hi.
Tuibanga luonkhawn a, tuipi lien suoh a, lii banga kichin ding deina a kal isuon lai in lamtuom siel/ hawt I um khanaah a, dahuoi khat asuoh phot hi. ‘Right thinking’ mi khat nahileh hoitah in ngaisut in; bangzieh a tami Delhi mun a DLC hing kiphut e chi nathei ding hi.
Inlam a pawlpi neichiet ihia, ipawlpi khanlet ding deilou umding in kagingtasih hi. Tunia pawl hing kiphut pen Lutheran leh a doctrine ngainatna sangin mimal ‘destructive policy ‘ ngainatna ahizaw hi. Tunia Lutheran pawlpi phukhiet ahina a ‘mastermind’ ahileh Lutheran milesa hina nei hilou in Catholic milesa pawlkhat ahizaw uhi chi chiengtah leh hangsantah in igen ngam hi. A Lutheran tahtah ten deilou in ana nuol zaw u’a, munchin gamchin a umte’n dahuoi leh zumhuoi asahthu uh gen uhi. Tualeh, Pasian pawlpi/ hattuom bee/ phung khat thuneina nuoi a aum zong sil mulkinhuoi pi khat ahi hi. Nam khat, si leh sa khat ihizieh a kideisahtah a igenna ahizaw a, Pasian thangpaina nuoi a iumding koima ikideisah sih hi.
Mipite adingin bangma lauthawng leh lunghimaw nading aumsih hi. Delhi sunga Zoutate khotang lam a kivaihawmna ZSP leh ZYO ahizing a; sakhuo/ biehna lamah, unau Tedim Chinte toh leh pawlpi tuomtuom kikhopkhawmna ZCF ahizing hi. Insung a tagilou te zong tate ahiveve uhi. Phutani bawllou a thumangtah a aumding uh nu-le-pa leh insungmite kilametna ahizing hi. Thumangloute’n thumanlou gaa nehdan tuomtuom in anethei uhi.
“Migiloute zieh in kilungkhamsuo sinlen,
Silhoilou bawlte zong thangsiet vateh sin.
Loupa gawhta bangin amauh kilang nawn tasih va un,
Sing dinggaw bangin dinsi tava uh.
Mangpa khu gingta'n len, SILHOI BAWL in.
Tuachin leiah teng vachin.
Tuachin lungmuonna nei vateh.
Mangpa ah kipahna sui in.
Tuachin nalunggul zousie Ama’n nang hing peva”.
Lapite/ Psalms 37.
Genkhiel genval umsihna maw? Aum leh ngaidam (sorry)!!!!!!
No comments:
Post a Comment
Bang ngaidan nanei ei?